CIWON ZUCIYA

*DAGA ZAUREN KIWON LAFIYA🚑🚑* *CIWON ZUCIYA*

Idan akace ciwon zuciya ana nufin ciwo daga ko ina daga zuciya watau anyi jimla ne domin ciwon zuciya yakasu kishi kishi, tundaga wanda yashafi kasan lemar zuciya daya hada da jijiyoyi jini dasuke kawo mata jini, zuwa abinda yashafi aikinta, bugawarta dasauransu, sai kuma abinda yashafi gazawarta shima wani bangare ne.

 Idan akace ciwon zuciya za a iya cema cadiovascular disease wanda ciwone dayake dade ko rufe jijiyoyin jini na zuciya wanda yake haifarda heart attacks, akwai abinda yashafi kirji watau angina dakuma abinda ya shafi stroke sauran sunhada ciwon dayake kama tsokoki da rhythm dasauran nau'ikan cututtukan zuciya.

 Dayawa cututtukan zuciya ana treatment dinsu batareda magungunna ba saidai da yanayi na tsarin rayuwar mutum tayau da kullum.

Na fadi rabe raben cututtukan zuciya amma ya za ayi agane wanene yake damun mutum kuma ta wace hanya za abi agane?. Akwai alamomin kowace irin cutar zuciya da irin abubuwanda take zuwa dasu

1⃣ *CIWON ZUCIYA DAYA SHAFI JIJIYOYI JINI NA ZUCIYA,* Dukda alamomi ciwon na banbanta ne tsakanin maza da mata misali kamar maza suna ciwon kirji sukuma mata suna famada karancin ko numfashi da kyal, tashin zuciya da kasala.

Sune ace ciwon kirji, daurewar kirji, sukar kirji dade dukwani rashin jindadi daga kirji.

 Sannan akwai matsalar numfashi da za aji yana karanci.

 Ciwon, kumburin, gajiya ko jin sanyi ga kafa da kafada.

Ciwon wuya, mummuke, makoshi, saman ciki da baya.

2⃣ *CIWON ZUCIYA DAYA SHAFI YANAYIN BUGAWAR TA,* shikuma wannan ciwo zuciya ne dayake zuwa da halba zuciya da sauri ko kadan. Alamominsa sune, jiri, halbawar zuciya dasauri ko a hankali, gani buji buji, ciwon kirji, faduwa kusan kamar suma

3⃣ *CIWON ZUCIYA DAYA SHAFI NA NAKASA KO TAWAYAR ZUCIYA,* Shi wannan ciwon zuciya ana haihuwar mutum dashine, kwanaki kadan bayan haihuwar jariri ake gane matsalar ta hanyar kokewar fata, ko fata tazama blue, kumburin kafa, ciki da wajen ido, karancin numfashi yayin shayarda jariri.

 Amma akwai wadanda ba aganewa sai sun fara girma wasuma sai sun zama manya idan sukazo da matsalar karancin numfashi idan sukayi wani dan aiki, motsa jiki, kumburin hannu, tafi da idon kafa

4⃣ *CIWON ZUCIYA DAYAKE DA ALAKA DA GAZAWAR TSOKOKI NA ZUCIYA* Shikuma wannan matsalar tana zuwane da alamomi kamar bugawar zuciyar dasauri in mutum yazo hutawa, ko yagama wani aiki, jiri, buji buji, yawan gajiya, kumburin hannu, tafi da idon kafa.

5⃣ *CIWON ZUCIYA DAYAZO DALILIN INFECTION NA ZUCIYA*,Endorcaditis infection ne dayake ciki daya raba chambers na zuciya da valves.

Akwai alamominsa kamar zazzabi, kasala, kumburi kafa da ciki, busasshen tari, kuraje a fata ko spots, karancin numfashi.

6⃣ *CIWON ZUCIYA DAYA SHAFI BAWULOLI (VALVES)*, zuciya kamar mota ce itama tanada bawuloli amma ita nata guda hudu ne wadanda suke budewa su rufe suna ummurtar gudanar jini zuwa zuciya.

 To suna lalacewa, kode su tsuke, ko su rika leaking, kokuma suki rufewa insun bude.

 Alamomin wannan sune, kasala, karancin numfashi, yawan bugawar zuciya, kumburin tafin kafa da idon kafa, ciwon kirji da wani lokaci faduwa. zamudakata sai rubutu nagaba.✍ *DR SHUAIBU MB*